Sandesh Sain Sadhram Sahib | ڪنهن بي سھاري جو سھارو بڻجڻ ئي پرم ڌرم آھي

اسان ڪنھن سنت’ مھاتما ‘ درويش ‘ فقير کي ڏسندا سين ته اھو پنهنجي شڪتي آڌار ڪجهه ن ڪجهه شيوا ڪندو ئي ڏسڻ ۾ ايندو آهي ـ جئين ڪنهن سنت جو ناماچار پنهنجي شھر تائين ‘ ته ڪن جو پسگردائي تائين ھوندو آهي ـ ڪن جو ڪافي علائقن تائين ته ڪي ڪي وري وشو وکيات (پوري دنيا ۾ نالي وارا ) ٿيندا آهن ـ
اسان ڏسندا سين ته جنهن سنت جو ناماچار پنهنجي شھر تائين آهي ته اھو پنهنجي شھر تائين ‘ جي پرسگردائي وارو پرسگردائي تائين ڀلائي ‘ شيوا ‘ پراپڪار ڪندو ئي ڏسڻ ۾ ايندو آهي ڪي امن ‘ شانتي ۽ محبت جو درس ڏيندا آھن ـ ته ڪي وري پويتر سنديش شيوا ـ پراپڪار ـ پيار ـ پريم ۽ ڀڳتي جي سچائي سان سنسار کي سڳنڌت (خوشبودار) ڪندا آهن ـ
اسان ڏسندا سين ته جنهن سنت جي جيتري پھچ آهي اھو پنهنجي شڪتي آڌار شيوا ڪندو ڏسڻ ۾ ايندو آهي ـ ڪو شھر تائين ناماچار رکندڙ سنت ائين ڪون چوندو ته منهنجو نالو پسگردائي تائين ڦھلجي ته پوء ڪجهه ڀلائي ۽ شيوا کي اڳتي وڌايان ـ يا ڪو ڪافي ڪجهه شيوا ڪندڙ ائين ڪون چوندو ته اڳ دنيا ۾ نالو مشھور ٿئي پوء ڪجهه سنسار کي ڏيان ـ تنھنڪري جيڪو سنت جيتري پھچ رکندو آھي اھو اوترو ئي ڪم يا شيوا ڪندو ڏسڻ ۾ ايندو آھي ـ
حقيقت ۾ اھا اسان کي پھرين سنتن جي سکيا ملي ٿي ته جيترو ڪجهه انهيَ مالڪ اسان کي پنهنجي رحمت سان نوازيو ۽ وڌايو آھي اوترو ڪجهه ڪريون ـ جيترو ڪجهه سچي ستگرو يا پرماتما اسان کي بخشو آھي پنهنجي حيثيت مطابق ڪجهه ٻين لاء ڀلائي جا ڪم ڪريون ـ پنھنجا سٺا ڪرم ٺاھيون ـ
ڪيترائي اسان جا شھر واسي ڀائر ڪافي پريوارـ بکيا ۽ بي حال آھن ڪن کي اجھو ڪونھي’ ت ڪن کي تن ڍڪڻ لاء ڪپڙو ڪونھي ‘ ڪي مسڪين آھن’ ت ڪي وري منگتا ـ
اسان کي انھن سنتن جي سکيا آھي ته پڄندي آھر سندن ھر ھڪ جيو جي مدد ڪريون ـ اسان پاڻ به سکي رھون ۽ ٻين کي به سک ڏيون ـ ائين ڪرڻ سان اسان کي سڪون ۽ شانتي پلئه پوندي ۽ اسان جو جيون خوشحال ٿي پوندو ۽ اسان جي مٿان مالڪ جي رحمت وسندي رھندي ـ